სამზარეულოს დალაგება: როგორ შეინარჩუნოთ მაცივრისა და სხვა ზედაპირების სისუფთავე?

სამზარეულო სახლის გულია, რომელიც ყოველდღიურად დიდი დატვირთვით გამოიყენება. მისი დალაგება არ უნდა უგულებელყოთ, რადგან დროთა განმავლობაში მაცივარში, სამუშაო თუ სხვა ზედაპირზე დიდი რაოდენობით ჭუჭყი და ბაქტერიები გროვდება. სამზარეულოს სისუფთავისა და ჰიგიენის შესანარჩუნებლად, შეგიძლიათ შემდეგი რჩევებს მიჰყვეთ.

რჩევები სამზარეულოს სისუფთავის შესანარჩუნებლად

დღესდღეობით, სამზარეულო აღარ არის მხოლოდ საკვების მომზადების და მირთმევის ფუნქციური სივრცე – სახლის ეს ნაწილი გადაიქრცა სივრცედ, სადაც ოჯახის წევრები და მეგობრები იკრიბებიან, ყავას სვამენ, ერთად ამზადებენ, ისვენებენ და საუბრობენ. 

სამზარეულოს ხშირი გამოყენება კი ცხიმისა და საკვების ნარჩენების დაგროვებას, ასევე ნიჟარებზე, ონკანებზე, ჭურჭლის სარეცხ მანქანასა და ყავის აპარატზე წყლის ნადების წარმოქმნას იწვევს. ამ ჭუჭყის რეგულარულად მოცილება აუცილებელია, რათა სამზარეულოში სუფთა და ჰიგიენური გარემო შეინარჩუნოთ.

სამზარეულოს დამატებითი სირთულე მასალების მრავალფეროვნებაა: თანამედროვე სამზარეულოები ხშირად აერთიანებს ისეთ გლუვ და პრიალა ზედაპირებს, როგორებიცაა უჟანგავი ფოლადი და მინა, ასევე ნატურალურ მასალებს, როგორებიცაა ქვა და ხე. წმენდა უნდა იყოს მორგებული ზედაპირის ტიპსა და დაბინძურების ხარისხზე. იგივე წესი ვრცელდება დასუფთავების საშუალებების არჩევაზეც.

სამზარეულოს დასუფთავების სამუშაოები

სამუშაო ზედაპირების გაწმენდა

სამზარეულოს სამუშაო ზედაპირი, ალბათ, ყველაზე ხშირად გამოყენებადი ადგილია, რადგან ყოველდღიურად საკვებთან აქვს პირდაპირი კონტაქტი. ზედაპირი ყოველდღიურად ბაქტერიებით იფარება, რაც თვალისთვის უხილავია. ამიტომ, ჰიგიენის ნორმების დაცვის მიზნით, სამუშაო ზედაპირი გამოყენების შემდეგ ნესტიანი ტილოთი უნდა გაწმინდოთ. კვირაში ერთხელ კი საფუძვლიანი დასუფთავება ჩაატაროთ.

თუ ზედაპირი ძლიერად დაბინძურებულია, შესაძლებელია წყალგამძლე და ალკოჰოლური საწმენდი საშუალებების გამოყენება. ბუნებრივი ქვის ზედაპირებისთვის, როგორიცაა გრანიტი ან მარმარილო, საჭიროა მჟავას ან ხსნარიანი საშუალებების გარეშე ნეიტრალური სარეცხი საშუალებების გამოყენება, რომლებიც ქვის ზედაპირებისთვისაა განკუთვნილი. დასუფთავების შემდეგ ზედაპირი ყოველთვის გაავლეთ სუფთა წყლით და გააშრეთ რბილი ქსოვილით, რათა ლაქების წარმოქმნა თავიდან აიცილოთ.

ბუნებრივი ქვის სამუშაო ზედაპირებზე მყარი ჭუჭყის მოსაშორებლად, სწრაფი რეაგირება მნიშვნელოვანია. გამოიყენეთ რბილი, ნესტიანი ტილო, რადგან მშრალი ტილოს და ჭუჭყის კომბინაციამ შეიძლება ზედაპირზე მცირე ნაკაწრები დატოვოს. ქიმიური საშუალებების გარეშე დასუფთავებისთვის შეგიძლიათ გამოიყენოთ ორთქლის საწმენდი აპარატი, რომელიც მაღალი წნევისა და ცხელი ორთქლის დახმარებით ბაქტერიების 99.99%-ს კლავს, ამასთანავე, ადვილად აშორებს ცხიმისა და მყარ ჭუჭყს, მაგალითად, საკვების ნარჩენებს.

სამზარეულოს კარადებისა და უჯრების წინა პანელების წმენდა

სამზარეულოს ყოველდღიური გამოყენება ზეგავლენას ახდენს კარადებისა და უჯრების წინა პანელებზე. პრიალა ზედაპირებზე განსაკუთრებით მარტივად ჩნდება ცხიმის ლაქები და თითის ანაბეჭდები. ასევე, სასმელებისა და სითხეების ნარჩენები უნდა მოიშოროთ რაც შეიძლება სწრაფად. დასუფთავებისთვის შეგიძლიათ გამოიყენოთ წყალში ხსნადი, კომერციული სარეცხი საშუალებები ან უბრალოდ წყალი და მსუბუქი სარეცხი სითხე.

მასალის გათვალისწინებით, გაწმენდის დროს გამოიყენეთ მხოლოდ ოდნავ ნესტიანი ტილო და აირიდეთ აგრესიული ან აბრაზიული დასუფთავების საშუალებები, რადგან ისინი ზედაპირზე ნაკაწრებს ტოვებს ან მასალას აზიანებს. მინის პანელებზე მარტივად ჩნდება ლაქები და თითის ანაბეჭდები. მათ მოსაშორებლად შეგიძლიათ გამოიყენოთ ძმარი ან ლიმონის მჟავა, კომერციული მინის საწმენდი ან წყალი მცირე რაოდენობის სარეცხი სითხით.

ბაქტერიების წყაროები სამზარეულოში

• საჭრელი დაფები: დაფები ბაქტერიების დაგროვების ხელსაყრელი გარემოთი გამოირჩევა. ასეთ დროს, მხოლოდ თბილი წყლით გარეცხვა არ არის საკმარისი. სასურველია მათი  ჭურჭლის სარეცხ მანქანაში ან საკმარისი რაოდენობის სარეცხი სითხით და ღრუბლით გარეცხვა;

• სამზარეულოს ღრუბლები: ღრუბლები ბაქტერიების „ცხელი წერტილია“, რომელზეც დაახლოებით 300-მდე ბაქტერიის ტიპი შეიძლება იყოს. მათი კვირაში ერთხელ გამოცვლა აუცილებელია;

• დანა ბლოკი: დანის ბლოკები, თავისი ჭრილებით, ბაქტერიებისთვის იდეალური ადგილია. იგი უნდა გაიწმინდოს ვიწრო ჯაგრისით და საპნის წყლით, ხოლო სრულიად გაშრობის შემდეგ დანები უნდა მოთავსდეს უკან.

სამზარეულოს იატაკის ზედაპირებზეც მრავლად არის მიკროსკოპული ჭუჭყი, განსაკუთრებით ნიჟარის, კარადების და მაცივრის წინ. ეს ადგილები რეგულარულად უნდა გაიწმინდოს საფუძვლიანად.

მაცივრის გაწმენდა

მაცივარი ბაქტერიების დაგროვების ერთ-ერთი ძირითადი ადგილია, რადგან აქ სხვადასხვა ტიპის საკვები ინახება. ჰიგიენა განსაკუთრებით მნიშვნელოვანია მაცივრის შიგნით. დასუფთავებისთვის, ჯერ გამორთეთ მაცივარი ან გათიშეთ დენი და ამოიღეთ შიგნით მოთავსებული საკვები.

ბაქტერიების უმეტესობა გროვდება ბოსტნეულის განყოფილებაში, რადგან ეს არის ყველაზე თბილი ადგილი. თაროები და უჯრები უნდა მოიხსნას და კარგად გაიწმინდოს ნიჟარაში ან ჭურჭლის სარეცხ მანქანაში. მაცივრის შიგნითა ზედაპირი და რეზინის დალუქვები გაწმინდეთ მრავალფუნქციური სარეცხი საშუალებისა და ტილოს დახმარებით. რთულად მისადგომი ადგილების დასუფთავებისთვის შეგიძლიათ გამოიყენოთ  ჯაგრისი.

დასუფთავების შემდეგ მაცივრის შიდა ზედაპირი კარგად გააშრეთ, შემდეგ ყველაფერი უკან დააბრუნეთ და მაცივარი ჩართეთ. რეგულარული გაწმენდა ხელს უშლის უსიამოვნო სუნის გაჩენას.

გარე დასუფთავებისთვის, თუ შესაძლებელია, გადაადგილეთ მაცივარი და ამოწმინდეთ მტვერი და ჭუჭყი მის უკან. ამისთვის გამოიყენეთ მტვერსასრუტი ან მტვრის საწმენდი. ასევე, იატაკი მაცივრის ქვეშაც უნდა გაიწმინდოს.

სამზარეულოს დასუფთავება საყოფაცხოვრებო საშუალებებით

თუ სამზარეულოს დასუფთავება გსურთ მარტივი საყოფაცხოვრებო საშუალებებით, რამდენიმე ინგრედიენტი დაგჭირდებათ:

• სოდა და წყლის პასტა: გამოიყენეთ ღუმელის ან საცხობის ტაფებზე მტკიცე ჭუჭყის მოსაცილებლად.

• ძმარი და ლიმონის მჟავა: ეფექტურია წყლის ქვის მოსაშორებლად და უსიამოვნო სუნის წინააღმდეგ.

• ხე: ხის ზედაპირებისთვის სოდის და წყლის ხსნარი გამოიყენეთ. ხე შეიწოვს ნაკლებ სარეცხ საშუალებას და რბილად უნდა გაწმინდოთ ჯაგრისით.